حلوة الدودة بحشوة كاوكاو والجنحلان من المطبخ المغربي

المقادير كما في المطبخ المغربي : 

مقادير العجين : 

رابعة زبدة اللذة من الأحسن

دانون بنكهة الموز 

الدقيق حسب الخليط 

مقادير الحشوة : 

نصف كيلوا كاوكاو محمر مقشر ومطحون 

نصف رابقة زنجلان محمر ومطحون 

كأس زبيب مطحون 

العسل الكافي لخلط الحشوة حتى تجمع فقط 

طريقة التحضير : 

نخلط مقادير العجين وتغطى ببلاستيكة حتى ترتاح ونحضر الحشوة. 

نطلق العجين بالدلاك وتقطع مثل الشباكية ونضع وسطها أصبع 

الحشو وتطوى عليها العجين ثم نزيل ما تبقى من العجين 

بالجرارة وتقوس على شكل هلال كما هي موضحة في الصورة

ندخلها للفرن حتى تستوي.

سمكة في الفرن من المطبخ المغربي

المقادير كما في المطبخ المغربي : 

سمكة حسب الإختيار 

ونحضر الشرمولة من : 

ضامة البنة خاصة بالسمك 

شوية الملح

شوية الكامون

شوية التحميرة 

شوية السودانية 

شوية القزبر والمعدنوس 

شوية الثومة مهروسة 

شوية زيت الزيتون 

نصف كاس عصير الحامض 

بصلة كبيرة دوائر 

جزرتين 

بطاطا دوائر 

وشوية الجلبانة 

وتبقى الخظر حسب الإختيار 

طريقة التحضير : 

تشرمل السمكة جيدا بالشرومولة وتبقى أكبر مدة ممكنة ثم تحط 

في صينية الفرن، والخضر تخلط مع الشرومولة المتبقية عن السمكة 

مع ملعقة مطيشة الحك وترص على جوانب السمكة، ثم تدخل 

الصينية الفرن حتى تحمر وتقدم ساخنة. 

كيكة بالليمون سهلة التحضير ولذيذة من المطبخ المغربي

المقادير كما في المطبخ المغربي : 



ثلاث بيضات 

كأس زيت 

كأس سنيدة 

كأس عصير برتقال 

2 خمارات 

فانية 

شوية قشور الليمون 

شوية الملح قبصة فقط

رابعة الدقيق وممكن يعوض بالسميدة الرقيقة 

شوية الكوك 

مقادير السيروا : 

كاس عصير برتقال كبير 

كاس سنيدة صغير 

فانية 

لتحضير السيروا : في كسرونة نخلط الليمون والسنيدة والفانية ويترك 

يغلى حتى يعقاد شوية ويبرد وتسقى الكيكة سخونة بيه.  


طريقة التحضير : 

في الخلاط الكهربائي نخلط البيض مع الزيت والسنيدة حتى يطلع ونصبوا في إناء وبملعقة خشبية نخلط الدقيق مغربل مع الخمارات، 

 ونخلط حتى يتجانس الخليط ويصب في مول دائري وتدخل الفرن. 

تخرج الكيكة من الفرن تسقى بالسيرو وترش بالكوك وتقدم بالصحة والراحة.  

عجين بيتزا سهل وسريع التحضير

المقادير كما في المطبخ المغربي : 

ثلاث زلايف دقيق الفورس 

نصف كأس زيت الزيتون 

ثلاث ملاعق خل عادي 

ملعقتين حليب غبرة

ملعقتين سنيدة 

شوية الملح

شوية الخميرة 

ثلاث ملاعق زبد لينة 

طريقة التحضير : 

بعدما تخلط المقادير، تكور تترك ترتاج أكبر مدة ثم تسرح بالمدلك 

وتدخل تطهى نص طيبة وتخرج لتزين كما هي العادة في انواع 

البيتزات وترجع الفرن حتى تكمل الطياب. 

المدفونة أكلة صحراوية من أعماق جنوب المطبخ المغربي

المقادير كما في المطبخ المغربي : 

نصف كيلوا لحم بكري أو غنمي مقطع رقيق 

بصلة كبيرة مشلظة رقيق 

ملعقتين كبيرتين قزبر ومعدنوس مقطع رقيق 

شوية شحمة الكلاوي

ثلاث بيضات مصلوقين ومقطعين دوائر 

شوية الإبزار 

شوية سكنجبير 

شوية الكامون 

شوية التحميرة 

الملح والسودانية حسب الرغبة 

ملعقتين زيت الزيتون

وللعجين :

نحتاج المقادير المعتادة لعجن الخبز : 

الدقيق والملح والخميرة والماء دافي لجمع العجين 

طريقة التحضير : 

 في إناء نخلط جميع المقادير ماعدا البيض، تسرح كرة العجين 


بالمدلك رقيقة وتبسط عليها الخليط وفوقه دوائر البيض وفوقه كرة 


أخرى تسرح وتغطى بها الكرة الاولى وتقرص من الجوانب وترتاح 


شوية بلا متخمر بزاف وتدخل لفرن ساخن دون ماتثقب.


تخلط جميع العناصر المدكورة ما عدا البيض تاخد كورة من العجين 


وتبسط ثم تعمر بالخليط مع ترك الجوانب فارغة ثم توضع دوائر 


البيض فوق العمارة تاخد كورة ثانية من العجين وتدلك قليلا وتغطى 


بها الطرف الاول المعملر وتقرص عادي ولاكين بشوية باش 


متخرجش العمارة وتطهى في الفرن وبالصحة والراحة


ملاحضة- لازم تقرص الخبزة رقيقة ومتخلوهاش تخمر بزاف غير بين 


ما يسخن الفرن وبلا ما تتقب.

حلوة ريشبوند قديم حلويات المطبخ المغربي الأصيل

المقادير كما في المطبخ المغربي الأصيل : 

رابعة الزبدة من الأحسن اللذة

رابعة السنيدة 

زلافة زيت

ثلاث بيضات

2 خمارات 

فانية 

كونفتير المشماش الجاري الخاص بالحلوة 

شوية ماء الزهر 

الدقيق حسب الخليط

الكوك الكافي للتفنيد تقريبا نصف كيلوا 

طريقة التحضير : 

نحكوا  الزبدة مع السنيدة مزيان، ثم نضيفوا البيض والزيت وأخيرا 

الدقيق مع الخميرة ونجمع العجينة، نشكل منها كويرات صغيرة ترص 

في لاطة وتدخل الفرن حتى تطهى عادية. 

يسخن الكونفتير مع شوية ماء الزهر باش يجرى أكثر، ثم ندوز 

الكويرات في الكونفتير ونفندهم في الكوك أو نلصق كويرتين مع بعض 

بالكونفتير وندوزهم في الكونفتير ونفندهم في الكوك. 

طاجين بالخضر من المطبخ المغربي العصري

المقادير كما في المطبخ المغربي : 


500 غ من أي نوع من السمك الأبيض 
 
بطاطا كبيرة 

جزرتين

حبتا طماطم

بصلتين

 فلفلة خضراء 

حامضة دوائر 

ملعقتين كبيرتين من القزبر المقطع رقيق 

نصف كأس زيت المائدة 

فصين من الثوم المهروس 

 ملعقة صغيرة من الكمون 

شوية الخرقوم عرق مع الملون 

 ملعقة صغيرة من الهريسة (حسب الذوق)

شوية الملح 

شوية الإبزار 

شوية التحميرة 

نصف ملعقة صغيرة من الزنجبيل

شوية الزيتون 
طريقة التحضير : 



أولا نحضر الشرمولة : 


في إنا خلطي القزبر مع الثومة والعطرية وعصير نصف حامضة 


والملح والقليل من الماء 


بعدما يغسل السمك ويقطع إلى قطع، تخلط في الشرمولة وتبقى 


أكبر مدة ممكنة. 


نغسل الخضر والكل يقطع دوائر، تصفف في الطاجين بعدما تسبقي 


البصلة دوائر وترشيها بالقزبر وتحطي باقي الخضر وفوقها السمك 


ثم الطماطم والفلفل والحامض ونفرغ باقي الشرمولة المتبقية عن 


السمك ثم نضيف الزيت والماء من الجوانب يغطى الطاجين ويطهى 


على نار مهيلة.