الشباكية بطريقة سهلة للمبتدئات

الكثير من النساء تيوقفوا حايريين أمام تحضير الشباكية لصعوبة التشباك عليهم أحيانا خصوصا المبتدئات وكذلك 

لضرورة وجود مساعد أثناء تحضيرها، اليوم جبت ليكم الحل مع هاذ الطريقة السهلة في التحضير وحتى الوقت في تحضيرها 

قليل نستغناو شوية على الشباكية المحضرة خارجيا اللي متنعرفوش فين وأشنوا مكوناتها منطولش عليكم وندوزا نشوفوها ...

المقادير كما في المطبخ المغربي :

بيضة كاملة

زلافة زيت بلدية

زلافة زبدة مذوبة

زلافة لوز محمر ومطحون منيل ومغربل باش العجين ميتقطعش

زلافة جنجلان محمر ومطحون منيل ومغربل باش العجين ميتقطعش

زلافة ماء زهر

زلافة ماء عادي دافي  

نصف زلافة خل عادي

ملعقة صغيرة خميرة معجونة

ملعقة سكنجبير مطحون

2 كوزات

شوية الملح

شوية حبة حلاوة

شوية الزعفران حر

خمارة ونصف ديال الحلوة

طريقة التحضير :

تخلط المقادير وتعجن العجينة جيدا تغطى ببلاستيكة وتترك ترتاح، 

ثم نقسم العجين إلى كورات بحيت نأخذ كل كورة وتسرح بالمدلك 

رقيقة وتقطع بالجرارة الخاصة بالشباكية, شرائط كما في الصورة 

ونبدا نهز كل شريط من الرأس وندور وأنا تنلصق مزيان باش في 

القلي متحلش الوردة ثم نبدا ندور حتى نهاية الشريط كما توضح 

الصورة وهذا تهو تغيير جديد لشكل الشباكية خصوصا للي 

متتعرفش تشبك شكل جديد وتسهيل لتحضير الشباكية في البيت

في نهاية الشريط يلصق تحت العجين جيدا باش ميتحلش

وهذا الشكل ديالها ونصفف كل الشباكيات في طبسيل إلى نهاية العجين

ثم نبداو بقليهم في مقلة كبيرة فيها زيت عالية وسخونة 

ونخليوهم حتى يتذهب اللون ديالهم 

ومباشرة نحطهم في العسل تبقى شوية ثم نهزهم 

ونحطهم في شي كسكاس ونرش عليهم الجنجلان كما 

جرت العادة.

وبصحة والراحة